ГМБЭХ-ноос 11-р сарынхаа ээлжит бизнес оройн зоогийг 11-р сарын 23-нд зохион байгууллаа. Энэ удаагийн арга хэмжээнд ноён Ч. Эрдэнэдалай (Dale Choi), Шинжээч, Mongolia Мetals&Mining -ийн эрхлэгч, "МУ-ын эдийн засаг, хөрөнгө оруулалтын төлөв байдал" сэдвээр; Эко орчин компанийн Гүйцэтгэх захирал хатагтай Н.Лхагвасүрэн "Олон улсын стандартууд ба тэдгээрийн бизнест үзүүлэх үр нөлөө" сэдвээр тус тус илтгэл тавьж ГМБЭХ-ны гишүүдэд мэдээлэл хүргэсэн юм.

     Эко орчин компани нь олон улсын стандартад нийцсэн хог хаягдал ялган ангилах, тээвэр ложистик болон орчны тохижилт, ногоон байгууламж, цэцэрлэгжүүлэлтийн үйлчилгээг эрхлэн явуулдаг юм.
Тус компани нь 2015 онд салбартаа анх удаа Чанарын удирдлагын тогтолцоо ISO 9001:2008 болон Байгаль орчны удирдлагын тогтолцоо ISO 14001:2004 стандартуудыг нэвтрүүлсэн ба 2016 онд OHSAS 18001:2007 стандартыг нэвтрүүлэхээр төлөвлөж байна. Хатагтай Н.Лхагвасүрэн олон улсын стандартуудыг нэвтрүүлснээр компанид ямар ахиц дэвшил гарсан туршлагаасаа бидэнтэй хуваалцсан юм.

Ноён Ч. Эрдэнэдалай илтгэлдээ дараах асуудлуудыг авч үлзээ:

  • Монгол Улс байгалийн баялагаар баян ч нүүрсний үнийн супер мөчлөг нэгэнт дуусгавар болж, үнэ нь “газарт унасан” байгаа. Энэ үед сэтгэл хөдлөлөө барьж уян хатан үнээр өрсөлдөх чадвараа дээшлүүлэх,
  • МУ-д бий болсон эдийн засгийн хямралыг даван туулах нь шинэ засгийн газрын үүрэг, шаардлага болоод байна. Тогтвортой байдал, урьдчилан харах бодлого нь № 1 тэргүүлэх чиглэл юм.
  • Эдийн засгийн хүндрэлийг даван туулах, эдийн засгийн байдлыг тогтворжуулах зорилгоор Олон улсын валютын сан (ОУВС)-гийн хөтөлбөрийг авч хэрэгжүүлэхээр хэлэлцэж байгаа. МУ гадаад хөрөнгө оруулагчидтайгаа хариуцлагатайгаар түншилснээр улс орны өрсөлдөх чадварыг нэмэгдүүлж улмаар тогтвортой өсөлтийн үндэс суурь болох нь
  • Одоо бидэнд ярих биш дэлхийд тогтвортой өсөлтийн төлөө хийж байгаагаа харуулах цаг иржээ.

Монгол дахь Германы компаниудын хувьд хямралаас гарах сонгодог жор:

  • Үйлчлүүлэгчиддээ төвлөрөх, Өрсөлдөх чадварыг бий болгох, Ам. доллараар борлуулалт хийх, гадаад худалдаагаа өргөжүүлэх,
  • Монгол төгрөгөөр үйлдвэрлэх мөн ажиллах, зардлаа багасгах,
  • Өр зээлээ тавихдаа нарийн тооцоолох,
  • Бороотой” өдөрт зориулж  доллараа цааш нь хийх, доллараа хөрөнгө оруулалтанд зориулах,
  • Шуналтай бай: хэрвээ бусад нь айдас түгшүүрт байвал та огцом өсөлтийн үед тайван байгаарай.

Ирээдүй гэгээтэй харагдаж байгаа, Та хямралыг Боломж хэмээн үзэж ашиглаарай!

ГМБЭХ-ны зүгээс Ноён Ч. Эрдэнэдалай, Хатагтай Н.Лхагвасүрэн мөн гишүүддээ хамтран ажилласанд баярласан талархсанаа илэрхийлье.

Created: Лхагва, 2016.12.14 17:41

ГМБЭХ-ноос ээлжит Бизнес үдийн зоог арга хэмжээг 2016 оны 10-р сарын 26-нд Кемпински Хаан Палас зочид буудлын ресторанд зохион байгууллаа.

Created: Пүрэв, 2016.10.27 16:37
Дэлгэрэнгүй...

Та Expo-д оролцоход бэлэн үү?

Үзэсгэлэнд оролцох нь ихэнх байгууллагуудын хувьд өөрсдийгөө олонд сурталчлах нэгэн том боломж хэмээн боддог. Гэвч тэд үнэндээ үүнд бэлэн байдаг уу?

Үзэсгэлэн яармагт оролцохдоо сайтар бэлтгэл хангаагүйн улмаас бусдад буруу сэтгэгдэл төрүүлж муу дүгнэлт авах нь элбэг. Тиймээс маш сайн бэлтгэлээ хангах хэрэгтэй.

-Удирдамжтай сайтар танилц

Нэн тэргүүнд ямар зардал гарах вэ? гэдгийг л боддог. Үнэн хэрэгдээ үүний цаана мөнгөөр хэмжигдэхгүй олон зүйл байдгыг орхидог.

Хугацаа.  Мөн энэхүү үзэсгэлэн нь хэдий хэр хугацаанд үргэлжилэх вэ? Дундаа завсар авч байна уу? гэдгийг сайтар тооцоолж байж зардалаа бодох нь зөв юм. Зарим үзэсгэлэнгүүд 5н өдөр үргэлжилэх хэдий ч дундаа 1 өдрийн завсарлага авна гэсэн байдаг. Иймээс удирдамжтайгаа сайтар танилцаагүйн улмаас 1 өдрийн илүү зарлага тооцох нь элбэг байдаг.

Байршилаа сайн бод. Энэ газарт байрлаж болох уу? Хэдэн давхарт нь вэ? гэдгийг анхаарах хэрэгтэй.

План зурагтай сайтар танилцах. Хаана байрлавал дээр вэ? Мэдээж байрлалаасаа хамааран түрээсийн үнэ өөр өөр байдаг. Хамгийн хямд үнэтэй газар хүн бага очдог. Тиймээс яг тэрхүү газарт хэр их хүн очдог вэ? Олны хөлийн газар уу? гэх мэт зүйлийг анхаарах нь зөв.

Заал танхим. Хүмүүсийн урсгал нь хаашаа байдаг, ачаа тээвэрлэлтээ хэрхэн авч явах зэргийг мөн анхаарна.

Холбогдох ажилтан. Жижиг асуудлууд тулгарвал хэнд хандах вэ гэдгийг урьдчилан мэдсэн байх хэрэгтэй.

Зөвшөөрөл бичиг. Үзэсгэлэнд оролцоход шардлагатай бичиг баримт урьдчилан бүрдүүлэн (ялангуяа гадаадын оронд, олон улсын үзэсгэлэн яармагт оролцох үед) хэвлэж авч явах. Хэвлэхээ мартсанаас болоод хугацаа алдах нь элбэг.

-Стэндээ сонгох

Стэнд нь олон сонголттой байж болно. Жишээ нь: ширээ сандал, стандарт стэнд, зөөврийн угсардаг ханаар стэнд засах эсвэл шинэлэг бөгөөд өөрсдийн өнгө үзэмжээ харуулсан стэнд захиалах гэх мэт. Эдгээрээс зөв сонголтоо хийх нь чухал.

-Ажиллах хүний нөөцөө төлөвлөх

Хувцаслалт. Заавал стандарт, нэг хэвшмэл хувцаслалтыг сонгох албагүй. Шинэлэг зүйлээр бусдын анхаарлыг татаж болно.

Ажилтны мэдлэг, мэдээлэл маш чухал. Гадаад үзэмжинд хэт анхаараад мэдлэг мэдээллийг орхигдуулж болохгүй.

Амралт, завсарлагаа чухал. Мөн оновчтой цалин хөлс өгөх хэрэгтэй. Тохирсон цалин хөлс өгвөл ажиллаж байгаа хүн сэтгэл гаргана.

Цагийн хуваар сайтай байх хэрэгтэй. Эхлэх, амрах, дуусах цагийг тусгах нь зөв.

-Танилцуулга, дизайн, өнгө

Үзэсгэлэнд хэдий хэр хүмүүс хамрагдах вэ? гэдгийг тооцоолж тэр хэмжээний танилцуулгаа авч явах хэрэгтэй. Танилцуулгаа багадуулсанаас болж жинхэнэ бизнесийнхээ түнштэй холбогдож чадахгүй байж болох юм. Заавал цаасан хэлбэрээр биш дэвшилтэт технологи (цахимаар анкет бөглүүлэх, цахим захидлаар танилцуулгаа явуулах гэх мэт) ашиглаж болно.

-Гарын бэлэг, урамшуулал

Энэ нь хүмүүсийг татах нэгэн сонирхолтой арга юм. Гарын бэлэгээ өөрсдийн байгууллагын өнгө үзэмж шошготойгоо холбох хэрэгтэй. Ингэснээр тухайн үйлчүүлэгч маань гарын бэлгийг харах бүртээ ямар байгууллагаас өгсөнг санах болно. Гэхдээ үзэсгэлэд оролцож байх үедээ сонирхож ирсэн хүнд шууд гарын бэлэгээ өгж болохгүй. Эхлээд өөрсдийн байгууллагын талаар маш сайн тайлбарласаны эцэст гарын бэлэгээ өгнө.

-Өнөөдөр маргаашийн гарын авлага

Тэмдэглэл хөтлөх хэрэгтэй. Энэхүү үзэсгэлэнд оролцоход алдаа дутагдал юу байсан бэ? Бусдаас юу суралцаж авсан бэ? зэрэг дараа дараагийн удаад юуг анхаарах талаар дэлгэрэнгүй тайлан бичиж, дата бүрдүүлэх хэрэгтэй.

Created: Пүрэв, 2016.09.22 11:48

Нэг жил гаруйн хугацаанд  бэлтгэл ажил явуулж 21 тэрбум төгрөг (10 сая орчим америк доллар) зарцуулсны эцэст Монгол Улс  Ази, Европ тивийн  51 орны төрийн тэргүүн, гадаад хэргийн сайд нар оролцсон Ази, Европын Дээд түвшний 11 дэхь уулзалтыг зохион байгууллаа. Дээд түвшний уулзалт Монголын эдийн засагт, нэн ялангүяа зочид буудал, үйлчилгээний салбарт 8-10 сая америк долларын орлого оруулжээ. Бизнес эрхлэгч компанийн эзэд, бизнесийн холбоод, худалдааны танхим, судалгааны хүрээлэн, эдийн засгийн салбарын улс төрчдөөс бүрдсэн 100 гаруй төлөөлөгч 4 өөр салбар хуралдаан дээр тавигдсан илтгэлийг сонсон хэлэлцүүлэг өрнүүлж асуулт тавих боломжтой байлаа.
АСЕМ-ын Дээд түвшний уулзалтын хүрээнд Ази-Европын Бизнес Форум “Ази, Европын хоорондох хэлхээ холбоогоор дамжуулан Эдийн засгийн өсөлтийг дэмжих нь” сэдвийн дор салбар хуралдаанууд Улаанбаатар хотноо 7 сарын 13, 14-ны өдрүүдэд боллоо.
Бизнесийн Форумыг Ерөнхий сайд Ж. Эрдэнэбат, өмнөх засгийн газрын Аж үйлдвэрийн сайд асан Д. Эрдэнэбат нар нээн үг хэлсэн бөгөөд эхний салбар хуралдаан “Оролцоотой эдийн засгийг хөгжүүлэх нь” сэдвээр байлаа.  Панелистуудаас Еоланда Фернандез Ломен  (Азийн хөгжлийн банкны суурин төлөөлөгч)  дэлхийн худалдааны дүрэм, журмыг  боловсруулж,  хэрэгжүүлдэг Дэлхийн худалдааны байгууллагын гүйцэтгэх үүргийг чухалчилжээ. “Ази Европын хэлхээ холбоо” сэдэвт хоёр дахь хуралдаанаар бүс нутагт хэрэгжүүлэх хөтөлбөр, тухайлбал Орос-Монгол-Хятадын эдийн засгийн корридорыг байгуулахтай холбогдон маш олон төсөл хөтөлбөрүүд хэрэгжих боломж гарч байгаа тухай хэллээ. Харин 3-р салбар хуралдаан “Жижиг, дунд бизнес олон улсын нэмүү өртгийн сүлжээнд нэгдэх”  тухай байлаа. Үндсэн илтгэгчид  татварыг бууруулах, дөнгөж эхэлж буй бизнесийг дэмжих зэргээр бизнесийн таатай орчинг үүсгэхийн ач холбогдлыг онцлов.   “Хөрөнгө оруулалт ба ногоон хөгжил” хуралдааны панелист Монгол Улсын Байгаль Орчин, ногоон хөгжил, аялал жуулчлалын сайд асан д-р С. Оюун  ногоон, тогтвортой хөгжлийг үндэсний хөгжлийн бодлогод оруулан мэргэжлийн салбарын ажилтнуудад зориулан сургалт зохион байгуулах хэрэгтэй гэв.  Төр засгийн хүлээх хариуцлагыг тодорхой болгож төр нь ногоон технологи, сэргээгдэх эрчим хүчний хэрэглээг дэмжих замаар олон нийтэд  ач холбогдлыг ойлгүүлах нь чухал гэлээ.
Бизнесийн форумын төгсгөлд  БНСВУ-ын Ерөнхий сайд Нгуен Суан Фук, Ерөнхийлөгч Ц. Элбэгдорж, Европын Комиссын Ерөнхийлөгч Жан-Клад Юнкер нар үг хэллээ. Жан-Клад Юнкер олон улсын зочид төлөөлөгчдийг халуун дотно хүлээн авч хүндлэн зочилж байгаад талархсанаа илэрхийлээд  “Ерөнхийлөгч танд хандан хэлэхэд бид танай оронд хан хөвгүүд шиг тавтай зочилж байна, та бол дэлхий ертөнцийг таньсан хүн, эх орныхоо агуу удирдагч. Энэ сайхан орны ирээдүй сайхан байна гэдэгт миний бие итгэлтэй байна. Монгол улс мандан бадраг”  гэлээ.
 

Created: Мягмар, 2016.08.02 13:30

Монголын Ажил Олгогч Эздийн Холбоо 1990 онд үйл ажиллагаагаа эхэлсэн, Монголд нийт 8000 гаруй гишүүн буюу гишүүн байгууллагатай. Монголын ажил олгогчид, хувийн хэвшлийг дэмжиж ажилладаг тул Худалдаа Аж үйлдвэрийн танхимтай үйл ажиллагааны хувьд төстэй.
Хувийн хэвшлийг дэмжих, Монголд бизнесийн таатай орчинг бүрдүүлэх, хувийн хэвшлийнхний байр суурь, саналыг засгийн газарт хүргүүлэх, хууль тогтоомжинд тусгуулах, тэдний эрх ашгийг хамгаалах зорилготой.

Гадаад харилцааны хувьд Герман улстай нягт хамтран  ажилладаг. Хоёр орны засгийн газрын хамтын ажиллагааны хүрээнд ГОУХАН-тай хамтран бүхий л түвшний менежер, удирдлагыг (шийдвэр гаргах түвшний топ менежер) Германд бэлтгэдэг хөтөлбөрийг жил бүр хэрэгжүүлдэг. Үүнд Элчин сайдын яамд, холбогдох байгуулагууд дэмжин ажилладаг.
2009
оноос нийтдээ 400 гаруй монгол хүн 1 сарын хугацаатай Германд менежментийн сургалтанд сурчээ. Менежер бэлтгэхээс гадна хоёр орны эдийн засгийн эргэлтийг сайжруулах, герман, монгол аж ахуйн нэгжүүдийг холбох, цаашид дэмжих ач холбогдолтой. Энэ хөтөлбөрийн хүрээнд амжилттай явагдсан, Германаас хөрөнгө татсан амжилттай төслүүд, туршлагууд бий. Шахуу хөтөлбөртэй менежментийн хичээлээс гадна германы сонирхсон бизнесийн түнштэйгээ уулзах боломжтой. Явах хүмүүсийн тоо, сургалт явагдах хотууд жил бүр өөр. 2016 оны сургалтын хувьд 28 хүнийг ярилцлагаар сонгон авчээ. Нийт зардлын 90 хувийг Германы засгийн газраас гаргадаг. Хөтөлбөрт хамрагдахын тулд 2 үндсэн шалгуур байна. Нэгдүгээрт, хэлний шалгуур англи юмуу герман хэл дээр зохих төвшний мэдлэгтэй байх, үүнд хэлний хичээл ойлгох, герман үйлдвэр дээр очих, компаниа танилцуулах, бизнесийн түнштэйгээ ойлголцох хэмжээний хэлний мэдлэгтэй байх. Хоёрдугаарт зорилго, төлөвлөгөөтэй байх, тухайн байгууллагын үйл ажиллагааны чиглэл, германы ижил төстэй байгууллагатай харилцаагаа өргөжүүлэх, хамтран ажиллах зорилт бий эсэх. Үүнээс гадна тухайн компани МАОЭХ-нд гишүүн байх хэрэгтэй.

2017 оны менежментийн сургалтын хуваарь хараахан гараагүй, сонгон шалгаруулах ярилцлагыг энэ оны сүүлээр Германаас шалгагч багш ирж авна, одооноос эхлэн бүртгүүлж болно.

Created: Баасан, 2016.07.01 16:03

Дэд цэс


Арга хэмжээ